कपिलवस्तुमा कानूनी परामर्श तालिम सम्पन्न
कपिलवस्तु,संवाद फाउण्डेशन कपिलवस्तुको आयोजनामा कपिलवस्तु नगरपालिका–७ स्थित विश्व शान्ति ईङ्गलिश एकेडेमीमा कानूनी परामर्श तालिम सम्पन्न भएको छ। स्थानीय नागरिकमा कानूनी सचेतना अभिवृद्धि गर्ने तथा कानूनी परामर्शसम्बन्धी ज्ञान प्रदान गर्ने उद्देश्यले आयोजित तालिममा ३० जनाको सहभागिता रहेको थियो। कार्यक्रममा कपिलवस्तु नगरपालिका–७ का वडा अध्यक्ष इन्द्रमणि कुर्मीले संवाद फाउण्डेशन कपिलवस्तुले सञ्चालन गरेको कार्यक्रमको प्रशंसा गर्दै संस्थाप्रति धन्यवाद व्यक्त गर्नुभयो। उहाँले आगामी दिनमा पनि संस्थाले गर्ने सामाजिक तथा जनचेतनामूलक गतिविधिमा आफ्नो तर्फबाट सक्दो सहयोग गर्ने प्रतिबद्धता व्यक्त गर्नुभयो। तालिममा संवाद फाउण्डेशन रुपन्देही जिल्ला संयोजक जितेन्द्र गुप्ताले सहभागीहरूलाई कानूनी परामर्शसम्बन्धी प्रशिक्षण दिनुभएको थियो। प्रशिक्षणका क्रममा कानूनी विषयमा आधारभूत जानकारी, नागरिकका अधिकार तथा कर्तव्य र…
