मापसेपछि श्रीमती कुटेको आरोपमा पक्राउ वडाध्यक्षले प्रहरीमाथि नै लगाए कुटपिटको आरोप
कपिलवस्तु ३ जेष्ठरक्सी सेवन गरि पटक–पटक श्रीमती कुटेर विवादमा आउने कृष्णनगरका जनप्रतिनिधीले आफुलाई प्रहरीले कुटेको आरोप लगाएका छन् । वडा नं. ११ का वडाअध्यक्ष जीवन श्रीवास्तवले घरायसी विवादमा आफुलाई प्रहरीले पक्राउ गरि कुटपिटको आरोप लगाएका हुन् । शुक्रबार राती रक्सीले मातेका वडाअध्यक्ष श्रीवास्तवले श्रीमती कुटेपछि प्रहरीले उनलाई ल्याएर इलाका प्रहरी कार्यालय कृष्णनगरमा राखिएको थियो । लगत्तै प्रहरी माथि गाली बेज्यती गर्न थालेपछि उनको मेडिकल जाँच गराउन बहादुरगंज अस्पताल लगेको थियो । अस्पतालमा समेत प्रहरीमाथि अभद्र व्यवहार गरेका वडाअध्यक्ष श्रीवास्तवलाई अभद्र व्यवहारमा मुद्धा चलाउन खोजेपछि उनले प्रहरीमाथि कुटपिटको आरोप लगाएका हुन् । हाल उनी उपचारका लागि भन्दै भैरहवा मेडिकल कलेजमा छन्…
