कपिलवस्तु १४ असार
कपिलवस्तु नगरपालिका वडा नम्बर ३ स्थित वडा कार्यालयमा एक दिने निःशुल्क आखा शिबिर संपन्न गरिएको छ । वडा कार्यालयको सहायोगमा दोहनी सामुदायिक अध्ययन केन्द्रको आयोजनामा गरिएको शिबिरमा ३ सय बढीको निःशुल्क आखा जाच गरिएको थियो । यस्तै सोही शिबिरमा १ सय ९ जनालाई निःशुल्क चश्मा समेत उपलब्ध गराइएको केन्द्रका अध्यक्ष देबेन्द्र राजु पाण्डेयले बताए । शिबिरको शुभारम्भ गर्दै पुर्वं सांसद तथा कांग्रेसका महामन्त्री सुरेन्द्रराज आचार्यले गरीब र बिपन्न परिवार लक्षित यो शिबिरले आखाका रोगीहरु लाभांबित भएको बताए । उनले वडाले वडाबासीहरुकै लागि आफनै वडामा गरको यो काम सराहनीय रहेको बताए । उनले प्रभावकारी स्वास्थ्य उपचारकालागि तीनै तहका सरकारले पहल र लगानी बढाउनु पर्ने बताए ।
प्रदेश सदस्य सुधाकर पाण्डेयले स्वास्थ्य सेवामा पहुच बढाउन प्रदेश सरकारमा आफ्ुले निरन्तर आवाज उठाएको बताए । कपिलवस्तु नगरपालिकाका मेयर सुदीप पौडेलले वडाले गरेको यो शिबिर नगर र वडाकालागि धेरे राम्रो काम भएको बताए । उनले स्वास्थ्य सेवाको पहुच बढाउन नगरपालिका निरन्तर लागिी परेको बताए । वडाध्यक्ष प्रकाश गैरले बिपन्न र गरीब परिवारलाई लक्षित गरी शिबिर गरिएको बताए ।
