कपिलवस्तुमा तनावपछि निषेधाज्ञा जारी, शान्ति कायम गर्न प्रशासनको अपिल
कपिलवस्तु, तौलिहवा — कपिलवस्तुको महाराजगञ्ज नगरपालिका वडा नं. २ मा भएको घटनापछि उत्पन्न तनावलाई मध्यनजर गर्दै जिल्ला प्रशासन कार्यालय कपिलवस्तुले निषेधाज्ञा जारी गर्नुका साथै शान्ति कायम राख्न सबैसँग अपिल गरेको छ। जिल्ला प्रशासन कार्यालयका अनुसार मिति २०८२/१२/०७ गते भएको घटनाप्रति गम्भीर दुःख व्यक्त गरिएको छ। घटनामा घाइते भएका नागरिकहरूको उपचार भइरहेको र उनीहरूको शीघ्र स्वास्थ्य लाभको कामना गरिएको प्रशासनले जनाएको छ। सो घटनापछि जिल्ला सुरक्षा समितिको निर्णयअनुसार मिति २०८२/१२/०८ गते दिउँसो १:०० बजेदेखि अर्को आदेश नभएसम्म कपिलवस्तु जिल्लाको तोकिएको क्षेत्रमा निषेधाज्ञा जारी गरिएको छ। निषेधाज्ञा अवधिभर कुनै किसिमको भेला, सभा, जुलुस तथा प्रदर्शन गर्न पूर्ण रूपमा निषेध गरिएको प्रशासनले स्पष्ट…
