तिलौराकोटको काखमा सुनसान कपिलवस्तु संग्रहालय: घट्दो पर्यटकले बढायो चिन्ता
कपिलवस्तु — दक्षिण एसियाकै सबैभन्दा सुरक्षित र संरक्षित पुरातात्विक क्षेत्र मानिएको तिलौराकोटको काखमै रहेको कपिलवस्तु संग्रहालय यतिबेला दर्शकविहीन जस्तै बनेको छ। राजा शुद्धोधनको राजप्रासाद र भगवान् बुद्धले २९ वर्ष बिताएको ऐतिहासिक दरबार क्षेत्रबाट उत्खनन गरी संकलन गरिएका अमूल्य पुरातात्विक सामग्री राखिएको संग्रहालयमा पछिल्ला वर्षहरूमा पर्यटकको उपस्थिति निरन्तर घट्दो क्रममा देखिएको हो। संग्रहालयको तथ्याङ्कले तीन वर्षयता आगन्तुक संख्या लगातार घटिरहेको संकेत गर्छ। ओरालो लाग्दो पर्यटक ग्राफ आर्थिक वर्ष २०७९/८० मा १३ हजार ४ सय ७९ जनाले अवलोकन गरेका थिए। आर्थिक वर्ष २०८०/८१ मा करिब ६ प्रतिशतले गिरावट आउँदै संख्या ९ हजार ९ सय २९ मा झर्यो। आर्थिक वर्ष २०८१/८२ मा थप…
