सिद्धार्थ बोडिङ स्कुलको अभिभाव भेला तथा पुरस्कार बितरण सभारोह

कपिलवस्त्ु २९ चैत
तौलिहवा स्थित सिद्यार्थी बिद्यामन्दिर बोडिङ स्कुलको बार्षिक अभिभावक भेला तथा पुररस्कार बितरण सभा संपन्न गरिएको छ । पानासमा दिप प्रज्जवलीत गरी भेला तथा बोडिङ स्कुलको एप ल्याबटबमा क्लिक गरी कपिलवस्तुको नगरपालिकाका मेयर सुदीप पौडेलले उदघाटन गरेका थिए । सो अवसरमा उनले गुणस्तरीय शिक्षाकालागि निजी बिद्यालयको समेत योगदान रहेको बताए । उनले सरकारी बिद्यालयलाई प्रभावकारी र गुणस्तीय बनाउन आफनो पालिकाले लगानी गरेको बताए । उनले नगरले कक्षा १० सम्म सरकारी बिद्यालयमा निःशुल्क शिक्षा कायम गरेको बताए । उनले निजी सरह सरकारी बिद्यालयमा समेत पठनपाठन र स्तरीय शिक्षा बनाउन अझै समय लाग्ने उनले बताए । कसैलाई पनि जबरजस्ती गरेर सरकारी बिद्यालयमै पढन बाध्य पार्न नसकिने भन्दै आफनो छोरा छोरीलाई कहा पढाउने त्यो अधिकार अभिभावकै रहेको उनले बताए । सो अवसरमा उनले स्कुलमा उत्कृष्ठ अंक हासिल गर्ने बिद्यार्थीलाई पुरस्कार समेत बितरण गरेका थिए । कार्यक्रममा बोडिङ स्कुलका प्राचार्य बिकास अर्यालले स्कुलले बार्षिक नतिजा प्रकाशन गरी सकेको र त्यो एप डाउन लोड गरेर पनि आफनो नतिजा हेर्न सकिने बताए । कार्यक्रममा कक्षा १ देखि ९ सम्म प्रथम, द्धितीय र तृतीय स्थान हासिल गर्ने बिद्यार्थी तथा उत्कृष्ट अंक हासिल गरेका बिद्यार्थीलाई समेत पुरस्कृत गरिएको थियो । यस्तै अतिरिक्त क्रियाकलापमा बिजयी भएका छात्रा छात्राहरुलाई समेत पुरस्कृत गरिएको थियो । कार्यक्रममा बिद्यालयका संरक्षक टिकराम अर्याल समाजसेबी हरिराज शर्मा, बरिष्ठ अधिबक्ता हुम बहादुर कुवर, सुरेन्द्रराज लम्साल युवा नेता राजेश ज्ञवाली, प्रदीप सिंह लगायतको सहभागीता थियो । कार्यक्रममा नृत्य मनोरंजल लगायतका क्रियाकलाप समेत गरिएको थियो ।