कपिलवस्तु नगरपालिका वडा न १ को आयोजनाामा १ दिने निःशुल्क आँखा शिविर

कपिलवस्तु।
कपिलवस्तु नगरपालिका वडा नं. १ को आयोजनामा १ दिने निःशुल्क आँखा शिविर सञ्चालन भइरहेको छ। स्थानीय नागरिकहरूको आँखासम्बन्धी स्वास्थ्य समस्याको समाधान गर्ने उद्देश्यले शिविर आयोजना गरिएको हो।
शिविर २०८२ जेठ ३० गते बुधबारका दिन गोढि चोक, तौलिहवास्थित आधारभूत स्वास्थ्य सेवा केन्द्रमा सञ्चालन गरिएको हो। शिविरमा आँखाको परीक्षण, परामर्श तथा आवश्यक सेवा निःशुल्क रूपमा प्रदान गरिएको आयोजकले जनाएको छ।
वडा अध्यक्ष मोहम्मद जाहिद खाँले सम्पूर्ण वडावासीलाई यस सुनौलो अवसरको अधिकतम लाभ लिन आग्रह गर्नुभएको छ। उहाँका अनुसार शिविरबाट धेरै नागरिकले प्रत्यक्ष फाइदा लिने अपेक्षा गरिएको छ।
स्थानीयबासीहरूले निःशुल्क सेवा पाउँदा खुसी व्यक्त गर्दै यस्ता जनस्वास्थ्य कार्यक्रम निरन्तर सञ्चालन गर्न माग गरेका छन्।