कपिलवस्तुको तौलिहवा स्थित रत्न राज्य उमाबिमा बृक्षारोपण गरिएको छ । नेपाल अर्वुद रोग निवारण संस्था शाखा कार्यालय कपिलवस्तुले बिद्यालयमा बृक्षारोपण गरेको हो । बिरुवा रोपेर बृक्षारोपणको शुभारम्भ गर्दै कपिलवस्तु नगरपालिकाका मेयर सुदीप पौडेलले जिल्ला कै पुरानो बिद्यालयलाई हराभरा बनाउनु पर्ने बताए । उनले नगरबासीले आफनो घर आगंनमा रुख रोपेर नगरलाई नै स्वच्छ हराभरा बनाउनु पर्ने बताए ।
संस्थाका अध्यक्ष राजेश ज्ञवालीले आफु पढेको बिद्यालयमा बृक्षारोपाण् गर्न पाउदा खुशी लागेको बताए । उनले आफनो संस्थाले आउने दिनमा समेत सामाजिक काममा निरन्तर लागी रहने बताए । कार्यक्रममा संस्थाकी उप सभापति सविता श्रेष्ठ, संस्थाकी सचिव इन्दिरा देवकोटा , समाजसेवी रविन्द्र नाथ ठाकुर , बलराम घिमिरे , कस्तुरा सिग्देल अशोक गुप्ता , बिद्यालयमा प्रअ सुभाकान्त भुषाल , कार्यालय सहायक कृष्णमोहन शुक्ला लगाएतको सहभागीता थियो । बृक्षारोपणमा बिभिन्न प्रजातिका बिरुवाहरु रोपिएको थियो ।
