कपिलवस्तु १४ मंसिर
जिल्लालाई ब्याडमिन्टनको हव बनाउने उद्देश्यकासाथ कपिलवस्तुको तौलिहवा स्थित कभर्ड हलमा प्रथम गौतम बुद्धकप अन्तर बिद्यालय जिल्ला स्तरीय ब्याडमिन्टन प्रतियोगीता सुरु भएको छ । कपिलवस्तु नगरपालिकाको सहयोग र जिल्ला ब्याडमिन्टन संघको आयोजनामा प्रतियोगीताको लुम्बिनी प्रदेश सदस्य मधुरसुदनशरण चौधरी र नगरपालिकाका मेयर सुदीप पौडेलले खेल खेलेर शुभारम्भ गरेका थिए ।
सो अवसरमा प्रदेश सदस्य चौधरीले सरकारले खेल र खेलाडीको सम्मान गर्न नसकेको गुुनासो गरे । उनले खेल र खलाडीकालागि सरकारले प्रर्याप्त बजेट बिनियोजन गर्नु पर्ने माग गरे । उनले आफुले जिल्लाको खेलको विकासका लागि सक्दो पहल गर्ने प्रतिबद्धता ब्यक्त गरे । प्रतियोगीतामा ८ वठा ईभेन्ट गरिने प्रशिक्षक राजेश शाक्यले बताए । प्रतियोगीतामा कपिलवस्तु नगरपालिका र जिल्लाभरका बिद्यालयबाट १ सय ८० बढी बिदार्थी सहभागी हुने उनले बताए ।
प्रतियोगीतामा ३ दिन सम्म चल्ने छ । संघका जिल्ला अध्यक्ष दिनेश हमालको अध्यक्षता, बलराम न्यौपानेको संचालनमा भएको उदघाटन सत्रमा जिल्ला खेलकुद विकास समितका अध्यक्ष राजेश उपाध्याय, पत्रकार महासंघका जिल्ला अध्यक्ष किरणमान बज्राचार्य, कपिलवस्तु नगरपालिका वडा नम्बर ३ का अध्यष प्रकाश गैरे, वडा नम्बर १ का वडा सदस्य बिष्णु बारी लगायतको सहभागीता थियो ।
