काठमाडौं । सोमबार बसेकाे प्रतिनिधिसभाको बैठकमा स्वतन्त्र सांसद अमरेश कुमार सिंह सभामुखले समय नदिएपछि अर्धनग्न बनेका छन् । सिंहले आकस्मिक समय माग गरेका थिए । सभामुखले समय नदिएपछि त्यसको विरोधमा उनले सर्ट र गञ्जी खोलेर विरोध जनाए ।
संसद बैठकमा सांसद अर्धनग्न भएपछि सभामुख देवराज घिमिरेले संसदीय मर्यादाको ख्याल गर्न आग्रह गरे । सभामुखले पटक पटक आग्रह गरेपछि सिंह लुगा लगाएर बैठकमै सहभागी भए ।