केन्याकाे पूर्वी भागमा आफूलाई भोको राखी मृत्युवरण गरेमा स्वर्ग गइने मान्यता राख्ने क्रिस्चियन धर्मावलम्बीहरूको एक समूह का अलिकति मात्र गाडेको अवस्थामा ४७ वटा लाश प्रहरीले फेला पारेको छ । अधिकारीहरूले अहिलेसम्म ४७ वटा लाश उत्खनन गरिसकेका छन् ।
फौजदारी अनुसन्धानका प्रमुख चार्ल्स कामाउले लाशको मात्र खोजी नगरी जिउँदो रहेका मानिसलाई पनि खोजिरहेको बताएका छन् । ती जिउँदाहरूले खाना खान मानेका छैनन् ।गत शुक्रवार मालिन्दी नजिक शाकाहोला जंगलमा लाशहरू देखिएपछि अनुसन्धान थालिएको हो । गत अप्रिल १४ मा पल म्याकेन्जी नामक पास्टरलाई कल्ट चलाएको आरोपमा पक्राउ गरिएको थियो । उनको स्वामित्वमा रहेको भूमिमा थप लाश पाइने अपेक्षा छ ।
लाेकान्तर