विरेन्द्रनगर । शुक्रबार सुर्खेत मा पार्टी संगठन विभागको कार्यक्रमलाई सम्बोधन गर्दै सांसद एवं नेकपा माओवादी केन्द्रका उपमहासचिव जनार्दन शर्माले पार्टी अत्यन्तै कमजोर अवस्थामा पुगिसकेकाले पुनर्गठन अनिवार्य र अपहरिहार्य भएकाे जनाएका छन ।
‘पहिले माओवादीभित्रको बेरोजगारीलाई अन्त्य गरेर मात्रै हाम्रो समग्र देशको बेरोजगारीको अन्त्य गर्न सक्छौं। पार्टीभित्रको बेरोजगारी अन्त्य गर्न सबै नेता, कार्यकर्ता उत्पादनमा जोडिनुपर्ने हुन्छ। यसबाहेक माओवादीसँग अर्को विकल्प छैन।’
माओवादीमा कुनै सेल, कमिटी नरहेकाले अब उत्पादनको सेल कमिटी बनाइनुपर्ने उनको भनाइ छ। प्रधानमन्त्री पुष्पकमल दाहाल प्रचण्ड नेतृत्वको सरकार भए पनि हाल माओवादी र जनताबीच बेमेल रहेको बताएका छन ।