तानसेन । सडक स्तर उन्नति तथा सडक मर्मतकाे लागी सडक डिभिजन कार्यालय पाल्पाले तानसेन-तम्घास सडकखण्ड आजदेखि १५ दिनसम्म दैनिक १० घण्टा बन्द हुने सूचना जारी गरेकाे छ । तानसेन–रिडी–तम्घास सडकखण्डको सिरुखर्क–माल्मुल क्षेत्रमा सडक चौडा गर्नका लागि बाठो बन्द गरिएको हो । सिरुखर्क–माल्मुल क्षेत्रमा आजदेखि आगामी पुस ७ गतेसम्म बिहान ५ देखि ९ बजेसम्म, दिउँसो १२ देखि ३ बजेसम्म र बेलुका ६ देखि ९ बजेसम्म सडक बन्द रहने सडक डिभिजन कार्यालय पाल्पाका सूचना अधिकारी निरञ्जन शर्मा अर्यालले जानकारी दिए। निर्माण कार्यको बेला एम्बुलेन्स, सुरक्षा निकाय र अत्यावश्यक बाहेकका अन्य सवारीसाधनलाई रोक लगाइने उनले बताए ।
