राप्रपा र रवीन्द्र मिश्र समूहबीच शंख–घण्ट बजाउँदै एकता

39
biddhut

काठमाडौं ।  राष्ट्रिय प्रजातन्त्र पार्टी र रवीन्द्र मिश्र नेतृत्वको बृहत्तर ध्रुविकरण पक्षधरबीच औपचारिक एकता भएको छ । राप्रपा अध्यक्ष राजेन्द्र लिङ्देन र विवेकशील साझा पार्टीका पूर्व अध्यक्ष रवीन्द्र मिश्रले एकता घोषणापत्रमा हस्ताक्षर गरे । आज आयोजित विशेष समारोहमा शंख र घण्टको ध्वनि गुन्जाउँदै नेताद्वयले घोषणापत्रमा हस्ताक्षर गरेका थिए । उनीहरूले एक–अर्कालाई घोषणापत्र हस्तान्तरण गर्दै माला समेत लगाइदिएका छन् ।

dengu 3 1

घोषणापत्रमा नरम संवर्द्धनवादी धारलाई बलियो बनाउनका लागि यो एकता गरिएको उल्लेख छ । राजसंस्था पुनर्स्थापना तथा संघीयता र धर्मनिरपेक्षताको खारेजीको एजेन्डालाई पार्टीले अगाडि बढाउने घोषणापत्रमा बताइएको छ । घोषणत्रपमा ४ बुँदा छन् । जसअनुसार मिश्र राप्रपाको वरिष्ठ उपाध्यक्ष हुनेछन् । केन्द्रीय कार्यसम्पादन समिति, पदाधिकारी तथा केन्द्रीय समितिमा तहगत समायोजन लिङदेन र मिश्रबीच समझदारी अनुरूप हुने बताइएको छ । यो काम एकता घोषणा भएको ७ देखि १० दिनभित्र गरिने उल्लेख छ । यस्तै, प्रदेश तथा अन्य कमिटीको समायोजनका दुवै पक्षका दुई–दुई जना रहने गरी चार सदस्यीय समिति बनाइने छ ।

b 4
budd 1 1
Leave A Reply

Your email address will not be published.