कपिलवस्तु । शिवराज नगरपालिका ३ मा ट्रकको ठक्करबाट एक पैदलयात्रुको मृत्यु भएको छ । पश्चिमबाट पूर्वतर्फ जाँदैगरेको ना ८ ख ३८२९ नम्बरको ट्रकको ठक्करबाट गुल्मी घर भएको ३४ वर्षको बमबहादुर थापाको मृत्यु भएको हो ।
ससुराली घर आएका थापा छोरीसहित बिहान बाटो काट्नेक्रममा ट्रकले ठक्कर दिएको थियो । थापाको उपचारकालागि चन्द्रौटा लैजाँदै गर्दा मृत्यु भएको थियो । दुर्घटनाबाट उहाँका तीन वर्षीया छोरी अनु थापाको खुट्टा र टाउकोमा चोट लागेको छ । घाइते छोरी थापाको बुटवलमा उपचार भइरहेको छ । त्यस्तै शनिबार बिहान पिकअप र मोटरसाइकल एकआपसमा ठोकिँदा मोटरसाइकल चालकको मृत्यु भएको छ ।
